سەرۆکی مەجلیس بە بۆنەی ساڵڕۆژی لەدایکبوونی حەزرەتی عیسا(ع): جیهان، پێویستیی بە زانستی پێغەمبەران هەیە
سەرۆکی مەجلیسی شۆرای ئیسلامیی ئێران، لە پەیامێکدا بەبۆنەی ساڵڕۆژی لەدایکبوونی حەزرەتی عیسا(ع) پێی داگرت؛ جیهان، پێویستی بە زانست و ئامۆژگاریی پێغەمبەران هەیە.
"محەممەد باقر قالیباف" سەرۆکی مەجلیسی شۆرای ئیسلامیی ئێران، لە پەیامێکی بۆ سەرۆک پەرلەمانەکانی وڵاتانی مەسیحی، رۆژی لەدایکبوونی حەزرەتی عیسا(ع) ی لەوان پیرۆزبایی کرد.
سەرۆکی مەجلیسی ئێران لەوپەیامەدا وتی: ئەمڕۆ، جیهان تژیی بووە لە توندوتیژیی خوازی و توندئاژۆیی و توندڕەویی، بۆیە زیاتر لەهەر کاتێکی دیکە پێویستیی بە زانست و ئامۆژگاریی پێغەمبەرانی خودایی درود و سڵاوی خودایان لێ بێ، هەیە.
لە پەیامی قالیباف بۆ سەرۆک پەرلەمانی وڵاتانی مەسیحی هاتووە، رۆژی لەدایکبوونی حەزرەتی عیسا(ع)، رۆژی یەکدەنگی و هاوهەڵوێستیی دینە خوداییەکانە بۆ گەیشتن بە دادگەریی و ئاشتیی جیهانی.
لەدرێژەی ئەو پەیامەدا هاتووە، ئەمڕۆکە جیهان پڕبووە لە توندوتیژیی خوازی و توندڕەوی خوازی، بۆیە زیاتر لەهەرکاتێکی دیکە پێویستیی بە زانستی پێغەمبەرانی ئیلاهی هەیە کە داڕێژاوە لەسەر بنەمای میهرەبانی، هاودڵی و یەکسانی نێوان مرۆڤەکان و نەهێشتنی هەرچەشنە هەڵاواردن، ستەم و نایەکسانیی.
ئەمڕۆ دووشەممە ڕێکەوتی بیست و پێنجی دیسەمبەری٢٠٢٣ی زایینی، ساڵهاتی لەدایکبوونی پڕپیت و بەرەکەتی حەزرەتی عیسا(ع)ـە.
