بڕیارنامەی هەڵوەشانەوەی سزاکانی سەر ئێران پەسەن نەکرا
ئەنجومەنی ئاسایشی ڕێکخراوی نەتەوە یەکگرتووەکان بڕیارنامەیەک کە خوازیاری هەڵوەشانەوەی هەمیشەیی سزاکانی سەر ئێران بوو ڕەت کردەوە
بڕیارنامەی هەڵوەشانەوەی سزاکانی سەر ئێران، لە لایەن ئەنجومەنی ئاسایشی نەتەوە یەکگرتووەکانەوە بە ٤ دەنگی ئەرێ، ٩ دەنگی نەیار و ٢ دەنگی بێ لایەن پەسەند نەکرا. نوێنەری ڕووسیا لە کۆبوونەوەکەدا ڕایگەیاند گەڕانەوەی گەمارۆکانی سەر ئێران بە فەرمی ناناسین . نوێنەری ڕووسیا پەسەندنەکردنی بڕیارنامەکەی هاوپەیوەند بە درێژەی لابردنی سزاکانی سەر ئێران بە بێ هیچ بنەمایەکی یاسایی لەقەڵەمدا و ڕایگەیاند کە ڕووسیا گەڕانەوەی سزاکان بە فەرمی ناناسێ . نوێنەری چین هەروەها وتی: چالاککردنی سناپباک دەبێتە هۆی گرژی و پشتیوانی لە درێژکردنەوەی لابردنی گەمارۆکانی سەر ئێران دەکەین. کردەوەی دوژمنکارانە سەبارەت بە بەرنامەی ئەتۆمی ئێران دۆخەکە قورس دەکات. کردەوەکانی ئەمەریکا دژی ڕێککەوتنی ناڤۆکی بووە و تەنانەت هێرشیان کردە سەر دامەزراوە ئەتۆمییەکانی ئێران. بۆیە چالاککردنی سناپباک قبوڵ ناکرێت و متمانە دروست ناکات و دەبێتە هۆی دروستبوونی گرژی. وتیشی: چین هەمیشە پاڵپشتی ڕێگای ئاشتیانە و دیپلۆماسی بووە و پێی وایە نابێت بگەڕێینەوە بۆ زنجیرەی سزاکان. ئێران هەمیشە هەوڵی داوە و ڕایگەیاندووە کە بەرنامە ئەتۆمییەکەی ئاشتیانەیە و سەرەڕای هێرشی ڕژێمی زایۆنیستی و ئەمریکا هاوکاریی لەگەڵ ئاژانسەکەدا کردووە. ئەوروپا داوای ئیسنەپ بەک هەڵبوەشێنێتەوە ، چونکە بەکارهێنانی زۆر لە پەیوەندییە نێودەوڵەتییەکاندا سوودی نییە.
