نامەکەی پزشکیان لە ڕۆژی جیهانی پشتیوانی لە فەلەستین
سەرۆکی کۆماری ئیسلامیی ئێران پێیداگرت لە سەر پاڵپشتیی بەبڕشتانەی ئێران لە گەلی فەلەستین.
مەسعوود پزشکیان لە نامەیەکدا بەبۆنەی ڕۆژی جیهانی پاڵپشتی کردنی فەلەستین کە لە لایەن نوێنەرایەتی ئێران لە نەتەوە یەکگرتووەکان بڵاوکرایەوە، ئاماژەی بە چڕبوونەوەی هێرشەکانی ڕژێمی زایۆنی لە غەززە و بێدەنگیی هەندێک لە حکومەتەکانی بانگەشەکەری مافی مرۆڤی کرد و خوازیاری هەنگاوی جددی وڵاتان بوو لەپێناو ڕاگرتنی دەستدرێژییەکانی ئەم ڕژێمە. سەرۆک کۆماری ئیسلامیی ئێران ڕەخنەی گرت لە هیچلێنەهاتوویی دامەزراوە نێودەوڵەتییەکان لە ڕووبەڕووبوونەوەی ڕژێمی زایۆنیدا و بۆ جارێکی دیکە پێیداگرت لەسەر کارامەبوونی "ڕێگاچارەکەی ئێران" کە بریتییە لە گەڕانەوەی ئاوارەکان و ئەنجامدانی ڕیفراندۆم لە نێو خەڵکی ڕەسەنی فەلەستیندا؛ پلانێک کە لە نەتەوە یەکگرتووەکاندا تۆمار کراوە. پزشکیان لە کۆتاییدا بە ستایشی بەرخۆدانی گەلی فەلەستین پێیداگرت لەسەر هاودەنگی و پشتیوانیی تەواوی ئێران لەگەڵ فەلەستینییەکان.
