SAHAR

سەرۆکی هەرێمی کوردستانی عێراق و باڵیۆزی ئێران لە بەغدا جەختیان کرد لە سەر خواستی دوولایەنە بۆ پتەوکردنی پەیوەندییەکانی نێوان هەولێر و تاران لەسەر بنەمای دراوسێتی باش و بەرژەوەندیی هاوبەش.

لەم دیدارەدا نێچیرڤان بارزانی، سەرۆکی هەرێمی کوردستانی عێراق و محەمەد کازم ئالی سادق، باڵیۆزی ئێران لە بەغدا، پەیوەندییەکانی نێوان  ئێران و عێراق و هەرێمی کوردستانی عێراق و دۆخی گشتی وڵات و پەیوەندییەکانی نێوان هەولێر و بەغدا و دانوستانە بەردەوامەکان بۆ چارەسەرکردنی کێشەکانیان لێکدایەوە. هه ر دوولا  جەختیان کرد لەسەر  پتەو کردنی  پەیوەندیەکانی  نێوان هەولێر و تاران بە پێی  بنەمای دراوسێیەتی شیاو و بەرژەوەندی هاوبەش بە تایبەت لە بوارەکانی  ئابوری و بازەرگانیدا .