ئێران لە بواری بەرهەمهێنانی پۆڵا لە پلەی حەوتەمدایە
وەزیری پیشەسازی، کانگا و بازرگانیی ئێران وتی: ئێران لە نێو دە وڵاتی یەکەمی وەبەرهێنانی پۆڵا لە جیهاندا پلەی حەوتەمی مسۆگەر کردووە.
کۆماری ئیسلامیی ئێران لە ماوەی ساڵانی ڕابردوودا سەرباری گەمارۆ بایکۆتی ملھوڕانەو بەربەستی زۆر لە بەردەم پێشکەوتن و گەشەسەندنی وڵات توانی لە بوارەکانی پیشەسازیی جۆراوجۆر لەوانە وەبەرهێنانی پۆڵا لە ڕیزی باشترینەکانی جیهاندا بێت.
لەم ڕووەوەو بە پێی ڕاپۆرتی هەواڵدەریی ڕادیۆو تەلەفزیۆنی ئێران، «سەیید ڕەزا فاتمی ئەمین» وەزیری پیشەسازی، کانگاو بازرگانیی ئێران، ڕۆژی چوارشەممە لە پەراوێزی کۆبوونەوەی کۆڕی دەوڵەتی ئێران ڕایگەیاند: لە ماوەی ساڵی ٢٠٢٢دا، ئێران لە نێو ١٠ وڵاتی ھەڵکەوتەی جیھان لە ڕووی گەشەی بەرهەمهێنانی پۆڵاوە لە ئاستێکی بەرزدا بووە.
وەزیری پیشەسازی، کانگاو بازرگانیی ئێران جەختی لەوەش کردەوە کە، ئێران لە بواری وەبەرھێنانی پۆڵا لە ڕیزی حەوتەمی جیھاندایە.
