وەدەرنرانی هەموو جێگرەکان، وتەبێژەکان ودەستیارەکانی لەیلا زانا لە پەرلەمانی تورکیا
پەرلەمانی تورکیا لە هەوڵێک دا هەموو دەستیارەکان و وتەبێژەکان و جێگرانی لەیلازانا نوێنەری شاری ئاگری لە پەرلەمانی تورکیا کە سوێندەکەی لەلایەن پەرلەمانی ئەم وڵاتەوە قەبووڵ نەکراوە، وەدەرنا.
بەگوێرەی ڕاپۆرتی کورد پرێس بە گێڕانەوە لە خەبەر حەوت، پەرلەمانی تورکیا لە کردەوەیەکی سەرسووڕهێنەر دا هەموو دەستیارەکان، وتەبێژ، یاریدەر و جێگرانی لەیلا زانای نوێنەری شاری ئاگری لە پەرلەمانی تورکیا لە پارتی دیمۆکراتی گەلان کەسوێنەکەی ناوبراو لەلایەن پەرلەمانی ئەم وڵاتە قەبووڵ نەکراوە، وەدەرنا .
لەیلا زانا کەلە هەڵبژاردنی یەکەمی نوامبەری دووهەزاروپازدە ی پەرلەمانی تورکیا لە پارێزگەی ئاگری لە ریزی ژمارە یەکی پارتی دیمۆکراتیکی گەلان دابوو و گەیشتە پەرلەمانی تورکیا لەبەر کەڵک وەرگرتن لە شوناسی تورکیا لە جیاتی شوناسی تورک لەنێو دەقی سوێندەکەی ، ئیعتبارنامەی ئیدارییەکەی لەلایەن سەروکی پەرلەمانی تورکیا قەبووڵ نەکرابوو و ناوبراو تائێستا مافی بەشداریکردنی لە دەنگ وەرگرتن لە پەرلەمانی تورکیای بەدەست نەهێناوە .لەم پێناوەدا پەرلەمانی تورکیا لە هەوڵێکی دیکە دا لە بەرواری بیست و یەکەمی مارسی دووهەزاروشازدە کۆتایی بە کاری هەموو جێگران ، وتەبێژان و دەستیارەکانی لە پەرلەمانی تورکیا داوە و حوکمی وەدەرنانی ئەوانی دەرکردووە.
شیاوی باسە لەیلا زانا رامیاری کوردی تورکیا لە ساڵی 1991یشەوە گەیشتبووە پەرلەمانی تورکیا کەلەو بەروارە لەبەر وتاردان بە زمانی کوردی لە دووی مارسی 1992 پارێزراوەتیی دادەڤانی خۆی لەدەست دا و بەگێران و دادگایی کران حوکمی پازدە ساڵ بەندکرانی بۆ بڕابووەوە.
