بەقایی وتەبێژی وەزارەتی دەرەوەی ئێران: کردەی سێ وڵاتی ئوروپایی دژی ئێران، پەیڕەوی لە فەرمانی لایەنی پێشێلکەری ڕێککەوتنی ناڤۆکییە
وتەبێژی وەزارەتی دەرەوەی ئێران وتی: هەوڵی سێ وڵاتی ئوروپایی بۆ گەڕاندنەوەی بڕیارنامە هەڵوەشاوەکان دژی ئێران، چەشنێک پەیڕەویی کردن لە فەرمانی لایەنی پێشێلکەری ڕێککەوتنی ناڤۆکییە.
"ئیسماعیل بەقایی" وتەبێژی وەزارەتی دەرەوەی کۆماری ئیسلامیی ئێران لە پەیامێکی لەسەر تۆڕی کۆمەڵایەتیی ئیکس، بە بردنەژێرپرسیاری سەربەخۆیی و "جێگەوشوێنی" سێ وڵاتی ئوروپایی وەک "لایەنە وتووێژکارەکان" نووسی: کردەی سێ وڵاتی ئوروپایی بۆ گەڕاندنەوەی بڕیارنامە هەڵوەشاوەکانی ئەنجومەنی ئاسایشی نەتەوە یەکگرتووەکان دژی ئێران داڕێژراو لەسەر یاساوڕێسایەکە کە بەهۆیەوە، لایەنی زۆردار، خۆی لەسەر حەق دەزانێ و"پێشێلکەری گەورە" فەرمانی کایەکردن دەدا.
وەزارەتی دەرەوەی ڕووسیاش بڕیاری ترۆئیکای ئوروپایی بۆ سەپاندنی سەرلەنوێی بایکۆتەکان بەسەر ئێرانی بەتوندی شەرمەزار کردو پێی داگرت لەسەر پێویستیی دەسپێکرانەوەی وتووێژگەلی شیاو لەنێوان لایەنەکاندا بۆ دووربوون لە قەیرانی تازە لەسەر بەرنامەی ناڤۆکیی ئێران و خوازیاری پێداچوونەوە بە سەپێندرانی دووبارەی گەمارۆکان بەسەر ئێراندا بوو.
"کایا کالاس"ی بەرپرسی سیاسەتی دەرەوەی یەکێتی ئوروپا لە کاردانەوە بە کردەی ترۆئیکای ئوروپایی سەبارەت بە کاراکردنی میکانیزمی سنەپ بەک یان گەڕاندنەوەی سزاکان، وتی: مکوڕم لەسەر ئەوەی رۆڵی ڕێکخەری کۆمیسیۆنی هاوبەشی پرسی ناڤۆکی، هەموو هەوڵی خۆم دەکاربگرم بۆ ئاسانکردنی پرۆسەی دیپلۆماتیک و گەیشتن بە ڕێکارێکی شیاوی دانوستان سەبارەت بە ڕێککەوتنی ناڤۆکیی ئێران.
