لە "وان"ـەوە هەتا "هەکاری" و "موش"، بەفر ناوچە کوردنشینەکانی تورکیای سپی پۆش کردووەوە و زۆرێک لە ڕێگاکانی داخست.

 بارینی بەفری قورس و دابەزینی بەرچاوی  پلەکانی گەرما لە ناوچە کوردنشینەکانی تورکیا، هاتوچۆی خەڵکی پەکخست و زۆرێک لە ڕێگاوبان و جاددەکانی داخست و لە هەندێک ناوچەشدا خەڵک ناچاربوون بۆ کردنەوەی ڕێگاو جادەکان ، پێمەڕەو بەفرماڵ بگرنە دەس . شارەوانی  شاری پڕحەشیمەتی وان ڕایگەیاند؛ بە هۆی بارینی  قورسی بەفر ڕێگای سەت و دوو شوێنی نیشتەجێیبوون لە شارەکانی میکس،  شاخ ، پاییزاوا ، ئیپەک یولو و مەحموودی داخراوە .