وەزیری دەرەوەی ڕوسیا ڕۆژی سێ شەممە پێداگری کرد : کۆبوونەوەی ئەم دواییەی سەرۆکانی ئێران، ڕووسیا و تورکیا لە ڕوسیا ، یارمەتی دەداتە چارەسەر کرانی قەیرانی سوریا.

 بەپێی ڕاپۆرتی ئیرنا، سێرگێئی لاورۆڤ،  لە کۆبوونەوەی ئەنجومەنی کاروباری نێونەتەوەیی ڕوسیا  هەروەها وتیشی: پاراستنی سەروەری  خاکی سوریا  کارێکی پێویستە  و لە بەیاننامەی هاوبەشی ئەم  دواییەی سەرۆکانی کوماری ئیسلامیی ئێران ، تورکیا و ڕوسیا ، پێداگری لەسەر کرا.

کۆبوونەوەی  سێ لایەنەی  ئێران، ڕوسیا و تورکیا بە ئامانجی  لێکدانەوەی ڕەوشی  سوریا و دامەزراندنی ڕێکارگەلێک  بۆ کۆتایی دان بە قەیرانی ئەم وڵاتە، چوارشەممەی ڕابردوو لە سووچی ،بەڕێوە چوو.

حەسەن رۆحانی سەرۆکی کۆماری ئیسلامیی ئێران، ولادیمیر پوتینی سەرۆکی ڕوسیا و رەجەب تەیب ئەردوغان  سەرۆکی تورکیا، دوای کۆتایی ئەم کوبوونەوەیە لە  بەیاننامەیەکی  هاوبەش دا وێڕای پێداگری کردن لەسەر  پاراستنی سەروەری، سەربەخۆیی و یەکڕیزی و سەروەری خاکی سوریا، ڕێککەوتن  هەتا شکستی تۆکمەوتەواوی تاقمە تیرۆریستییەکان،  هاوکارییەکانیان درێژە پێ بدەن  .

هەرلەم حاڵەدا ڕۆحانی شەوی پێنج شەممەی ڕابردوو  لە پرێس کۆنفرانسی هاوبەش لەگەڵ  پوتین و ئەردوغان پێداگری کرد  :  ئامانج و ئەنجامی سەرەکیی  کۆبوونەوەی سووچی، پێکهێنانی کونگرەی نەتەوەیی سوری - سورییە  کە بە هۆیەوە  هەموو  ئەتنەکان، ئایینزاکان و چالاکانی سوری  لەوان نەیاران و لایەنگرانی دەوڵەت لە داهاتووی نیزیک لە سووچی کۆببنەوە و سەبارەت بە داهاتووی سوریا باس و ڕاوێژ بکەن.

قەیران لە سوریا لەساڵی 2011  ەوە  بە پێی پەلاماری بەربڵاوی تاقمە  تیرۆریستییەکان کەلەلایەن  عەرەبستان، ئەمریکا و هاوپەیمانانیانەوە بەمەبەستی  گۆڕینەوەی  هاوکێشەکانی ناوچە بە قازانجی ڕژێمی زایۆنیستی داکۆکییان لێ دەکرێت،  دەست پێکراوە.

سوپای سوریا و هێزی میحوەری موقاومە ڕۆژی یەکشەممە  نۆزدەی نوامبەر توانیان شاری بووکەمال  لەباشووری پارێزگەی   دەیروزوور  لە دەستی داعش ئازا بکەن  . بە ئازاد کرانی   ئەم شارە بە کردەوە  دۆسیەی  تاقمی تیرۆریستی داعش لە سوریا، داخرا.