لاگارد: شەڕی بازەرگانی بەرەوەی نییە
سەرۆکی سندووقی نێو دەوڵەتی دراڤ ڕۆژی یەکشەممە وشداری بە ئەمریکا داوە لەمەڕ کەندو کۆسپ نانەوەی بازرگانی لەگەڵ وڵاتانی دیکە .
بە گوێرەی ڕاپۆرتی ئیرنا، " کریستییەن لاگارد" لە وتوویژ لەگەڵ ڕۆژنامەی ئاراژنتینی "لا ناسیۆن" ڕوو لە "داناڵد ترەمپ" سەرۆک کۆماری ئەمریکا بەڕاشکاوی وتی شەڕە بازەرگانییەکان هیچ بەرەوەیەکیان نییە.
لاگارد بۆ بەشداریی لە کۆبووەونەی وەزیرانی دارایی و سەرۆکانی بانکەکانی ناوەندی وڵاتانی ئەندامی تاقمی ٢٠ سەردانی بوینس ئایرس پێتەختی ئارژانتینی کردووە. ئەم کۆبوونەوەیە لە ڕۆژانی دوو شەممە و سێ شەممە بەڕێوە دەچێت.
" ترەمپ" پێنجشەممە ٨ مارچ سەرەڕای وشداری دانە نێو دەوڵەتییەکان، فەرمانی زۆرتر کردنەوەی تەعرفەی هاوردەی ئالۆمینیۆم و پۆلا بۆ ئەمریکای ئیمزا کرد.
بە گوێرەی ئەم فەرمانە ، تەعرەفەیەکی لە سەدا ٢٥ بە سەر هاوردەی پۆلا و لە سەدا ١٠ لە سەر هاوردەی ئالۆمینیۆم بۆ ئەمریکا لەبەر چاو دەگێردرێت.
