ناڕەزایەتی سەناتۆرە ئەمریکایەکان لە دیاریکردنیی پۆستە نوێ کەی "جان بۆلتۆن"
ژمارێک لە سەناتۆرە ئەمریکایەکان هاوکات لەگەڵ ڕەخنەگرتن لە هەڵوێستی شەڕخوازانەی"جان بۆلتۆن" ناڕەزایەتیشیان دەربڕی لە دیاریکرانی ناوبراو وەکوو ڕاویژکاری ئاسایشی کۆشکی سپی .
"داناڵد ترەمپ" سەرۆکی ئەمریکا ، پێنجشەممەی ڕابردوو لەپەیامی تویتەری " هێربێرت مەک مەستێر" ڕاوێژکاری ئاسایشی کۆشکی سپی وەلا داناو "جان بۆلتۆن" نوینەری پێشووی ئەمریکا لە ڕێکخراوی نەتەوەکانی بە جێ ئەو داناوە .
بە گوێرەی ڕاپۆرتی ئیرنا، " ئیدمارکی" ئەندامی لێژنەی پێوەندیی دەرەوەیی سەنای ئەمریکا لە پەیامێکی توئیتەری دا بە ئاماژە بە هەڵوێستی دەمار گرژانەی بۆلتۆن نووسی: داندرانی ئەو مەترسییەکی گەورەیە بۆ خەڵکی ئەمریکا . "کریس مۆرفی" ئەندامێکی دیکەی ئەم لیژنەیە لە توئیتێک دا بە باسکردنی ئەم بابەتە کە بۆلتۆن لاگری پەلاماری پێشپێگرانە بۆ سەر ئێران و کۆریای باکوورییە، لە داندرانیی بۆ پۆستی ڕاوێژکاری ئاسایشی نیشتمانی کۆشکی سپی سەرسوور مانی ڕاگەیاندووە .
"بێرنی سەندێرز" سەناتۆری سەربەخۆی ویالەیەتی وێرمۆنت بە ئاماژە بە ڕۆڵی بۆلتۆن لە پەلاماری ئەمریکا بۆ سەر عێراق لە ساڵی ٢٠٠٣ ، نووسی: لە ساڵی ٢٠٠٥ ئەو دەمارگرژتر لەوە بوو کە وەکوو باڵوێزی ئەمریکا لە ڕێکخراوی نەتوەکان دا دیاری بکرێت و ئێستایش بێ گومان کەسێکی نەشیاوە بۆ پۆستی ڕاوێژکاری ئاسایشی نیشتمانی.
"کریستۆفێر کۆنێز" سەناتۆری دیکەی ئەمریکایی بە دەربڕینی پەژارەی لە دەرکرانی مەک مەستێر، هەڵوێستەکانی بۆلتۆن بەرامبەر ئێران و کۆریای باکووری لە باشترین دوخی دا بە حالەتێکی هێرشکارانە و لە خراپترین دوخ بە "مەترسیدار" وەسف کردووە.
