شکستی پارتی میرکیل لەهەڵبژاردنەکانی هامبورگ
ئاکام وئەنجامی سەرەتایی هەڵبژاردنەکانی ئیالەتی هامبورگ پیشان ئەدات حزبی دێموکرات- مەسیحی لەم هەڵبژاردنانەدا بە دابەزینی فرەی دەنگەکان و لەگەڵ شکستی مێژوویی دا ڕووبە ڕوو بووەتەوە.
بە پێی ڕۆژنامەی " زوددویچە سایتونگ" ئاکام وئەنجامی سەرەتایی هەڵبژارنەکانی ئیالەتی هامبورگ کە ڕۆژی دوشەممە بڵاو کرایەوە، باس لەوە دەکات حزبی سوسیال دێموکرات سەتی ٣٩ی دەنگەکان ، حزبی سەوزەکان سەتی ٢٤ وحزبی دێموکرات - مەسیحیەکانی سەربە ئانگیلا میرکیل ، سەدرئەعزەم، سەتی یازدەی دەنگەکانیان بەدەس هێناوە. هەروەها ؛لەم هەڵبژاردنانەدا ، حزبی چەپەکان سەتی نۆ و حزبی لیبراڵ دێموکرات وحزبی توندڕەو جێگیرەوەی ئاڵمانیایش هەرکام سەتی پێنجی دەنگی شارومەندانیان بەدەس هێناوە. بەم چەشنە پارتی دێموکرات - مەسیحی کە هاوڕێ سوسیال دێموکراتەکان دەوڵەتی هاوپەیمانیان لە بەردەس دایە، لانی زۆر شازدە نوێنەری لە ئەنجومەنی ئیالەتی هامبورگ دەبێت. دوای شکستی حزبی دێموکرات مەسیحی لە هەڵبژاردنەکانی ئیالەتی تورینگن، دۆخ بۆ ئانگیلا میرکیل سەدرئەعزەمی ئاڵمانیا دژوراتر بووە.دوابەدوای ئەم شکستە " ئانگرت کرامپ کارن بائیر" وەزیری بەرەڤانی وڕێبەری پارتی دێموکرات- مەسیحی ئالمانیا دەسی لەکار کێشایەوە وڕایگەیاند کە لە بەربژاری بۆ سەدرئەعزەمی ئاڵمانیایش پاشگەز دەبێتەوە. ئەم پرس ومەسەلە حزبی دێموکرات مەسیحی لە دۆخێکی دۆژوار خستووە وبۆ میرکیل بووە بە کێشەیەکی زۆر گەورە کە دوایین سەدرئەعزمیی خۆی وەپشت سەرناوە.
