ئەمریکا بۆ چوونەدەر لە ئەفغانستان 12فڕۆکەی ئێف 18ی ڕەوانەی ناوچەکە کرد
دوای ناردنی 6فڕۆکەی بومب هاوێژی بی 52 بۆ ناوچە بە بیانووی چوونەدەری هێزە ئەمریکیەکان لە ئەفغانستان ، واشنگتون 12فڕوکەی شەڕکەری ئێف هەژدەی ناردە ناوچەکە.
ژێنڕاڵ مارک مەیلی - سەرۆکی ئەرکانی هاوبەشی ئەرتەشی ئەمریکا ڕایگەیاند جگە لە پاپوڕی فڕۆکە هەڵگری ئایزنهاوێ لە دەریای عەرەب و 6 فڕۆکەی بۆمب هاوێژی بی 52 لە قەتەر ، ئەمریکا 12 فڕۆکەی ئێف 18ی دیکەی بۆ چوونەدەری ئیمەنی هێزەکانی لە ئەفغانستان ڕەوانە کردووە .
ئەو کاربەدەستە سەربازیەی ئەمریکا وتیشی لە هەفتەیەک لەمەوبەرەوە و لە کاتی دەسپێکی ڕەوتی چوونەدەری سەربازانی ئەمریکایی لە ئەفغانستان تا ئێستاهیچ پەلامارێک دژی هێزەکانی ئەمریکایی وناتو ڕووی نەداوە .
ئەو ژنڕاڵە ئەمریکاییە وتیشی : بەوحاڵەش تالیبان درێژە ئەداتە پەلامارەکانی دژی هێزی ئاسایشی وبەرگری ئەفغان وڕۆژانە نزیکەی 80 هەتا 120 پەلاماردژی ئەوان ئەنجام ئەدات .
سەرۆکی ئەرکانی هاوبەشی ئەرتەشی ئەمریکا هەروەها ڕایگەیاند کە نزیکەی 90 لە سەدی پەلاماری ئاسمانی لە لایەن هیزی ئاسمانیی ئەفغانستانەوە ئەنجام ئەدرێت
