بەڕێوەبەرایەتیی ئەفغانستان لە لایەن ئەنجومەنی تالیبانەوە
ئاب 19, 2021 10:19 Asia/Tehran
بە شیمانەی زۆرەوە ئەفغانستان لە لایەن ئەنجومەنی تالیبانەوە بەڕێوەبەرایەتی دەکرێت.
بە پێی ڕاپۆرتی ھەواڵدەریی ڕۆیتێرز، کاربەدەستێکی باڵای تاقمی تالیبان ڕایگەیاند: لەوانەیە ئەنجومەنی تالیبان بەڕێوەبەرایەتیی دەوڵەتی ئەفغانستان بە ئەستۆ بگرێت.
ھەر لەم کاتەدا تاقمی تالیبان بڕیاری داوە تەواوی زیندانییە سیاسییەکان لە ئەفغانستان ئازاد بکرێن.
ئەندامێکی باڵای تالیبانیش وتی: تالیبان لەو لەشکری و فڕۆکەوانانەی پێشووی ھێزی سەربازیی ئەفغانستان داوای کردووە ھەتا پەیوەست بن پێیانەوە.
ئەم ئەندامەی باڵای تاقمی تالیبان وتیشی: تالیبان ھەروەھا لە وڵاتانی دراوسێ چاوەڕوانی ئەوە دەکات کە ئەو فڕۆکە سەربازییانەی کە لەشکریانی ئەفغانی بە ھۆیەوە ھەڵاتوون، بگەڕێننەوە. ا
لە ئێستادا تاقمی تالیبان دەستی گرتووە بە سەر کابۆلی پێتەخت و ناوچەکانی دیکەی ئەفغانستانیش دا.
