دیداری پیاوماقوڵانی ئەفغانستان لەگەڵ کەرزەی
ئه‌یلوول 12, 2021 21:23 Asia/Tehran
«حامید کەرزەی» سەرۆک کۆماری پێشووی ئەفغانستان لەگەڵ کۆمەڵێک لە پیاوماقوڵان، زانایانی ئایینی و لاوانی ویلایەتەکانی ناوەڕاستی ئەم وڵاتە دیدارو سەبارەت بە گۆڕانکارییەکان وتووێژی کرد.
بە پێی ڕاپۆرتی ئیسنا، بە پێی ئەو بەیاننامەیەی کە لە نووسینگەی ڕۆژنامەوانیی «حامید کەرزەی» سەرۆک کۆماری پێشووی ئەفغانستان بڵاو بووەتەوە، لەو دیدارەدا پیاوماقوڵان و زانایانی ناوچەکانی ناوەڕاستی ئەفغانستان داوای دامەزرانی سەقام و ئاشتیی تۆکمەوتەواویان کرد لە ئەفغانستاندا.
پیاوماقوڵان و زانایانی ناوچەکانی ناوەڕاستی ئەفغانستان ھەروەھا ھیوادارییان دەربڕی کە کابینەی سەرپەرشتیی تالیبان ھەرچی خێراتر ببێتە کابینەیەکی گشت داگر ھەتا تەواوی جەماوەری ئەفغانستان خۆیانی تیادا ببیننەوە.
