کوژرانی لانیکەم 13 کەس لە هێرشێکی کوشندە لەلایەن چەکدارێکەوە بۆ سەر قوتابخانەیەک لە ڕوسیا
ئه‌یلوول 26, 2022 18:07 Asia/Tehran
پۆلیسی روسیا رایگەیاند، تەقەکردنەکە لە قوتابخانەیەک کە دەکەوێتە رۆژئاوای ئەو وڵاتە 13 کوژراو و 20 برینداری لێکەوتووەتەوە.
بەپێی ڕاپۆرتی ئاژانسی هەواڵی فارس، پۆلیسی خۆجێیی ڕووسیا ڕایگەیاندووە کە ئەم تەقەکردنە ڕۆژی دووشەممە لە شاری "ئیژێڤسک" کە ناوەندی کۆماری "ئۆدمورتیا"ە لە ڕۆژئاوای ڕووسیا ڕوویداوە.
بە وتەی "ئەلێکساندەر بێرچالۆڤ"، سەرۆک کۆماری ئودمورتیا، هێرشبەرەکە سەرەتا پاسەوانی ئەم قوتابخانەیەی کوشتووە و دواتر خۆی کوشتووە.
دەگوترێت ئەنجامدەری ئەم هێرشە چەکدارییە جلی ڕەشی دەبەردا بووە، بەڵام تا ئێستا ناسنامە و پاڵنەرەکەی بۆ تەقەکردنە کوشندەکەی قوتابخانەکە دیاری نەکراوە.
. "ئیژوسک" پایتەختی کۆماری "ئودمورتیا"ی روسیایە، کە نزیکەی 630 هەزار کەس لەم کۆمارەدا دەژین.
