دەست پێ بوونی مەشق و ڕاهێنانی سەربازانی ئۆکرانی لە ئەڵمانیا
کانونی دوھەم 27, 2023 23:45 Asia/Tehran
یەکەم گروپی سەربازانی ئۆکرانیا بۆ ئاشنابوون لەگەڵ چەک و کەرەستەکانی ئەڵمانیا ڕەوانەی ئەو وڵاتە کران.
بەگوێرەی ئاژانسی هەواڵدەریی ڕادیۆو تەلەفزیۆن، دوابەدوای ڕەزامەند بوونی ئەڵمانیا لەمەڕ ناردنی چەکی قورس لەوانە تانکە زرێپۆشەکانی ماردێر و تانکی لیۆپاردی ٢ بۆ ئۆکرانیا، ئەم وڵاتە دەستی کردووە بە مەشق و ڕاهێنان بە سەربازانی ئۆکرانیایی بەمەبەستی بەکارهێنانی ئەو چەکانە.
ئەم کۆمەڵە سەربازە ئۆکرانیاییە بڕیارە بۆ ماوەی ٨ حەوتە لە شاری مونستر کە دەکەوێتە باکووری ڕۆژئاوای ئەڵمانیا مەشق و ڕاهێنانیان پێ بکرێت.
ئەڵمانیا ٤٠ تانکی زرێپۆشی ماردێر و ١٤ تانکی لیۆپاردی ٢ ڕەوانەی ئۆکرانیا دەکات.
«ئۆلاف شوڵتز» سەرۆکی ئەڵمانیا ڕایگەیاند، وڵاتەکەی سەرباری ڕەوانەکردنی تانکی لیۆپارد بۆ ئۆکرانیا بەتەما نییەو ناشیەوێت ببێتە لایەنێکی شەڕەکە.
