پسکۆف: ئەمریکا ڕاستەوخۆ بەشدارە لە شەڕی ئوکرایندا
وتەبێژی حکومەتی ڕووسیا ڕایگەیاند کە بەپێچەوانەی بانگەشە بێبڕانەوەکانی کاربەدەستانی ئەمریکایی، واشینگتۆن ڕاستەوخۆ بەشدارە لە شەڕی ئوکرایندا.
«دیمیتری پسکۆف» وتەبێژی حکومەتی ڕووسیا بە ئاماژە بەوەی کە ئەمریکا بەردەوام پەلاماری بەرژەوەندییەکانی ڕووسیا دەدات و چەندین دەیەیە کە گوشاری خستۆتە سەر ڕووسیا ، وتیشی کە بەپێچەوانەی بانگەشە بێبڕانەوەکانی کاربەدەستانی ئەمریکایی، واشینگتۆن ڕاستەوخۆ بەشدارە لە شەڕی دژ بە ڕووسیا و بەردەوام هەوڵ دەدات بڵێسە بداتە ئاگری ئەم شەڕە.
لە دوایین ڕووداوەکانی هاوپێوەند بە شەڕی ئوکراینەوە و لە درێژەی هێرشە درۆنییەکانی سوپای ئوکراین بۆ سەر خاکی ڕووسیا، وەزارەتی بەرەڤانیی ڕووسیا بە بڵاو کردنەوەی بەیاننامەیەک ڕایگەیاند کە سیستەمەکانی بەرگریی ئاسمانیی ئەم وڵاتە شەوی ڕابردوو ١٥٨ درۆنی هێرشبەری ئوکراینییان لە ناوچە جۆراوجۆرەکاندا شوێندۆزی کردووە و خستوونیانەتە خوارەوە.
