پسکۆف: ناتۆ بە کردەوە خەریکی شەڕە دژ بە ڕووسیا
ئه‌یلوول 16, 2025 20:48 Asia/Tehran
وتەبێژی کرێملین وتی: ناتۆ بە کردەوە لەگەڵ ڕووسیا لە جەنگدایە و ئەمەش بابەتێک نییە کە پێویستی بە سەلماندن بێ.
"دیمیتری پسکۆف" وتیشی: ئەندامانی ناتۆ بە شێوەی راستەوخۆ و ناراستەوخۆ داکۆکی لە ئوکراین دەکەن و هەر لەبەر ئەوەشە کە دەڵێین بە کردەوە هاتوونەتە مەیدانی ئەم جەنگەوە و بەرامبەر بە ڕووسیا ڕاوەستاون.ئەم قسانە لە کاتێکدایە کە ڕادۆسلاڤ سیکۆرسکی وەزیری دەرەوەی پۆڵندا وتبووی کە ناتۆ لەگەڵ ڕووسیا شەڕ ناکات. کێشە و ناکۆکیی نێوان مۆسکۆ و ناتۆ دوابەدوای ئەوەی تەشەنەی سەند کە پۆڵندا بانگەشەی کرد درۆنی ڕووسی لە کاتی هێرشیان بۆ سەر هێزەکانی ئوکراین سنووری ئاسمانی پۆڵندایان بەزاندووە.
