ترەمپ بەردەوامە لە سووکایەتی بە ژنانی پەیامنێر
تشرینی دووه‌م 30, 2025 19:39 Asia/Tehran
دۆناڵد ترەمپی سەرۆک کۆماری ئەمریکا جارێکی دیکە لە کۆنگرەیەکی ڕۆژنامەوانیدا سووکایەتی کرد بە ژنە ڕۆژنامەنووسێک و بە "گەمژە" ناوی برد.
سووکایەتیکردنی ترەمپ بەو ژنە ڕۆژنامەنووسە دوای ئەوەی بوو کە ئەو پرسیارەی لە ترەمپ کرد کە بۆچی ئیدارەی جۆ بایدنی تۆمەتبار کردووە سەبارەت بە دۆسییەی هاتنی کەسی گومانلێکراو بە تەقەکەی واشنتۆن. ئەمە دووەمین سووکایەتیکردنی ترەمپە بە ژنانی ڕۆژنامەنووس لە ماوەی هەفتەیەکدا؛ هەفتەی ڕابردوویش لە وەڵامی پرسیارێکدا سەبارەت بە کەیسی جێفری ئیپستەین، بە ژنێکی ڕۆژنامەنووسی وت: "بێدەنگ بە، بەرازە بچکۆل". کردەوە و ئاکاری دژ بە ژن و پڕسووکایەتی بەرامبەر بە پەیامنێران و میدیاکارانی ژن سەرچاوەی دەگەڕێتەوە بۆ بێڕیزیکردنی تەواوی ترەمپ بە ئازادی میدیا و ژنان.
