وتەبێژی وەزارەتی دەرەوەی چین لەبارەی دۆخی رۆژاوای ئاسیا، جارێکی دیکە جەختی کرد؛ چوونەسەری ئاستی ناسەقامی لە ناوچەدا، بەقازانجی هیچ لایەنێک نییە.

"گۆئۆ جیاکان" وتی: پیکەن زۆر بەپەرۆشە لەحاند دۆخی ئاڵۆز و شپرزەی یەمەن و دەریای سوور کە کوژران و برینداربوونی خەڵکی سیڤیل و خەسارگەیشتن بە ژێرخانە سەرەکییەکان و وزەی لێکەوتووەتەوە. گۆئۆ جیاکان بەپێداگریی لەسەر ئەوەی کە هێرشکرانەسەر ناوەندە ناسەربازییەکانی پەیوەست بە گوزەرانی خەڵک، قەبووڵکراو نیە، خوازیاری دانبەخۆداگرتنی لایەنە تێوەگلاوەکان و چارەسەریی ناکۆکییەکان لەڕێی دیالۆگی سیاسی و دیپلۆماسییەوە بوو. ئەو دیپلۆماتە چینیە بەئاماژە بەوەی کە چوونەسەری ئاستی ناسەقامی لە ناوچە بەقازانجی هیچ لایەنێک نیە، وتی کە سەروەریی و ئاسایشی هەموو وڵاتان دەبێ پارێزراو بێ و ڕێزی لێ بگیردرێ و پێویستە ناکۆکییەکان لەڕێی ئامرازە سیاسی و دیپلۆماتیکییەکانەوە چارەسەر بکرێ. گۆئۆ جیاکان جەختی کرد؛ چین وێڕای بانگهێشتنی هەموو لایەنەکان بۆ دانبەخۆداگرتن، خوازیاری کەمکرانی گرژییەکان لەڕێی وتووێژ، ڕاگۆڕینەوەو هەروەها هەوڵدان بۆ سڕینەوەی خێرای گرژیی و ئاڵۆزیی لە ناوچەکە بوو.