دوا بە دوای تەقینەوەیەکی خۆکوژی لە ئەیالەتی خەیبەر پەختوونخای پاکستان، لانیکەم ١٥ کەس کوژران و زیاتر لە ٥٠ کەسیش بریندار بوون. 

ئەم تەقینەوەیە لە نزیکی مزگەوتی بنکەی پۆلیسی شاری کۆهات لە کاتی بەرپاکرانی نوێژی هەینی ڕوودا و ژمارەیەک لە هێزەکانی پۆلیسیش لەنێو بریندارەکاندا دەبینرێن.  زولفەقار حەمید، سەرۆک پۆلیسی گشتیی ناوچەی خەیبەر پەختوونخا وتی: "ئۆتۆمبیلێکی هەڵگری تەقەمەنییان کوتاوە بە دەروازەی کۆنی بنکەی پۆلیسدا و خێرا تەقیوەتەوە".  تاهیر عەلیشا، بەرپرسی نەخۆشخانەی ناوەندیی کۆهاتیش ڕایگەیاندووە: "تا ئێستا ١٥ تەرم و زیاتر لە ٥٠ برینداریان گواستووەتەوە بۆ ئەم نەخۆشخانەیە".