لەکاتێکدا ڕاوێژکاری ئەڵمانیا سەردانی پێتەختی ئۆکرانیای کردبوو، جارێکی دیکە فڕۆکەیەکی بێفڕۆکەوانی ڕووسی پردی باکووری کیێڤی بەسەر ڕووباری دنیپەر کردە ئامانج.

 شەڕی ئاسمانی نێوان مۆسکۆ و کیێڤ چڕتر بووەتەوە و ڕووسیا بە دەکارهێنانی مووشەکی بالیستیکی کە شوێندۆزی کردنیان دژوارە و هەروەها بە درۆنی تەیار بە ماتۆڕێ جێت،  ئوکرانیا دەکاتە ئامانج؛  لە کاتێکدا کیێڤ بەردەوام پیشەسازیییە نەوتییەکان و کار و کەسابەتەکانی ڕووسیای داوەتە بەر پەلامار. بەم حاڵەشەوە فرێدریش مێرتز، ڕاوێژکاری ئەڵمانیا کە ئەمڕۆ بە سەردانێکی لەناکاو گەیشتە کیێڤ، ڕایگەیاندووە کە بۆ دەربڕینی پشتگیری بەرلین بۆ ئۆکرانیا هاتووەتە ئەم شارە.  ناوبراو وتیشی:  ئەگەر پێش بە ڕووسیا نەگیردرێت، درەنگ یان زوو ماشێنە جەنگییەکەی لە دژی ئێمە دەکەوێتەکار.