ھەڵمەتی نوێی تورکیا لە باکووری عێراق ، بێدەنگەی بەغدا و ھەولێر
بە تێپەڕینی 10 رۆژ لە ھەڵمەتی سەربازیی تورکیا لە ھەرێمی کوردستان ، بێدەنگەی بەغدا و ھەولێر لە بەرامبەر ئەم ھەڵمەتە جێگای سەرسوڕمانە .
بە پێی راپۆرتی ئیرنا ، ئەرتەشی تورکیا دەستی داوەتە کردنەوەی ژووری ھەڵمەتی ھاوبەش لە باشووری رۆژھەڵاتی تورکیا بۆ بەدواداچوونی بەردەوامیی ھەڵمەتی سەربازیی لە باکووری عێراق . سێ کەس لە فەرماندەرانی باڵای سەربازیی تورکیاش بریتی لە خلوسی ئاکار وەزیری بەرگریی ، یاشار گولەر سەرۆکی ئەرکانی ئەرتەش و ژەنەڕاڵ ئومید دوندار فەرماندەری ھێزی زەوینیی ئەرتەشی تورکیا رۆژی شەممە ئەم ژوورەی ھەڵمەتی ھاوبەشیان بەسەر کردەوە .
ھەندێ سەرچاوەی ھەرێمی کوردستان لەوان کەناڵی رووداوی نزیک لە پارتی دیموکراتی کوردستان ، ئامانج لە ھەڵمەتی سەربازیی ئەم دواییانە تورکیایان کردنەوەی بنکەی سەربازیی لە باکووری عێراق زانیوە . رووداو لە راپۆرێک دا دەڵێ ھەڵمەتی سەربازیی تورکیا بە بیانووی کردنەوەی بنکەی سەربازیی نوێ لە پارێزگەی دھۆکە .
بە پێی ئەم راپۆرتە ئانکارا بە نیازی دوپاتکردنەوەی سێناریۆی ھاوشێوەی سوریا لە باکووری عێراقە و راوەدوونانی ئەندامانی پەکەکە تەنای بیانوویەکە و بەس .
لە ھەمان کات دا ژمارێک لە ئەندامانی پەرلەمانی عێراق لە بەرامبەر ئەم ھەڵمەتە نوێیەی تورکیا کاردانەوەیان نیشانداوە و بە توندی رەخنەیان گرتووە لە بێدەنگیی بەغدا و ھەولێر .
محەمەد بەلەداوی لە فراکسیۆن فەتح ناڕەزایەتی دەربڕیوە بەم پێشێلکاریەی تورکیا . نابراو گوتوویەتی راگەیاندنی فەرمیی کاربەدەستانی تورکیا لە بارەی کردنەوەی بنکەی سەربازیی لە پارێزگەی دھۆک بە مانای راگەیاندنی شەڕ دژی عێراقە .
بەدر زیادی ئەندامی لیژنەی ئاسایش و بەرگریی پەرلەمانی عێراقیش لە حکومەت و وەزارەتی دەرەوەی عێراقی ویستووە لە بەرامبەر ئەم پێشێلکاری و گرژی نانەوەی ئەم دواییانەی تورکیا کاردانەوەیان ھەبێت .
بێدەنگەی بەغدا وھەولێر لە بەرامبەر ھەڵمەتی ئەم دواییانەی ئەرتەشی تورکیا وایکردووە ھەندێ لا باسی رێکەوتنی نھێنی بەغدا و ھەلێر لە گەڵ ئانکارا بکەن .
ھەندێ لا لە عێراق خوازیاری بەرەنگاربوونەوەی تورکیان لە رێگەی بایکۆت کردن و نەکڕینی کاڵای تورکیا .
تورکیا لە ساڵی 1992 وە تا ئێستا بە بیانووی راوەدوونانی ئەندامانی پەکەکە ، بەردەوام لە ھەرێمی کوردستان ھەڵمەتی سەربازیی ئەنجامداوە و ئەم ھەڵمەتانە لەیەک ساڵی رابردوودا زیادیان کردووە .
سەرچاوە عێراقیەکان دەڵێن تورکیا لە ھەر ھەڵمەتێکدا تا قوڵایی دەیان کیلۆمەتریی خاکی عێراق دێتە پیێش . کەناڵی سابرین نیوز دەڵێ تورکیا بەنیازە ئەم ھاوینە بگاتە تەلەعفەر و شنگال .
.
