سەرۆک کۆماری چین بانگهێشتی ئۆکرانیا کرا
«ڤۆلۆدیمیر زێلێنسکی» سەرۆک کۆماری ئۆکرانیا لە چاوپێکەوتنێکدا لەگەڵ میدیایەکی ئەمریکی، بانگهێشتی هاوتا چینییەکەی «شی جینپینگ»ی کرد بۆ سەردانی «کییەف» بکات.
بەگوێرەی ڕاپۆرتی هەواڵدەریی فارس، هەشت ڕۆژ دوای کۆبوونەوەی «شی جینپینگ» و «ڤلادیمێر پوتین» لە مۆسکۆ، «ڤۆلۆدیمیر زێلێنسکی» سەرۆکی ئۆکرانیا ئامادەیی وڵاتەکەی بۆ میوانداری کردنی سەرۆکی چین ڕاگەیاند.
«ڤۆلۆدیمیر زێلێنسکی» لەچاوپێکەوتنێکدا لەگەڵ ئەم میدیا ئەمریکییە وتی:ئێمەش ئامادەین (شی جینپینگ) لێرە (لە ئۆکرانیا) ببینین.
لە هەمان کاتدا، وەزیری دەرەوەی چین، «چین گانگ» ئەنجامی کۆبوونەوەی حەوتەی ڕابردووی نێوان سەرکردەکانی ڕووسیا و چینی لە مۆسکۆ بە "زۆر سەرکەوتوو" و "بەرهەمدار" ڕاگەیاند. هەروەها باس لە پرسە گرنگەکانی پەیوەست بە پەیوەندییە دووقۆڵییەکان و ئاشتی و سەقامگیری لە ناوچەکە و هەموو جیهانیش کرا.
ڕاگەیاندنی بانگهێشتنی سەرۆک کۆماری چین بۆ سەردانی ئۆکرانیا لە دۆخێکدایە کە بەرپرسانی باڵای پەکین سی و هەشت ڕۆژ لەمەبەر لە (٢٤ی فڤریەی ٢٠٢٣) پلانی ١٢ خاڵیی چینیان بۆ کۆتایی هێنان بە شەڕی ئۆکرانیا خستبووەڕوو.
لەو پلانەدا باسی ئەوە کراوە کە ھەموو لایەنەکان دەبێ ئاوەزمەندی و دان بەخۆداگرتن بنوێنن، لە پەرە پێ دانی گرژییەکان و ھەنگاوگەلێک کە ئاڵۆزتر بوونی ململانێکان و دەرچوونی دۆخەکە لە ژێر کۆنتڕۆڵی لێ بکەوێتەوە ،دووربکەونەوەو یارمەتیی پەیوەندیی نێوان ڕووسیاو ئۆکرانیاو دەستپێکردنەوەی گفتوگۆی ڕاستەوخۆ و کەمکردنەوەی وردە وردەی گرژییەکان بدەن.
چین لەم بەڵگە پێشنیار کراوەدا ئاماژەی بەوەش کردووە کە دانوستان تاکە چارەسەرە بۆ قەیرانی ئۆکرانیا و دەبێ پاڵپشتی و داکۆکی لە هەموو هەوڵەکان بۆ چارەسەرکردنی قەیرانەکە بکرێت.
چین ڕۆژئاواییەکان لەبەر ھەنگاوەکانی ئانتریک کارانەیان، لەوانە پەرە پێ دانی ناتۆ بەرەو سنوورەکانی ڕووسیا، وەک هۆکاری شەڕی ئۆکرانیا دەناسێنێ.
بە ھەرحاڵ وادیارە لەم ھەل و مەرجەی ئێستادا چین تاکە دڵخۆشی و ھیوای سەرۆک کۆماری ئۆکرانیایە بۆ کۆتایی ھێنان و دامرکاندنەوەی ئاگری ئەو شەڕەی کە جیھانی ڕۆژئاوا و ناتۆ تەنیا لە دوورەوە خۆی پێ گەرم دەکاتەوە.
