درێژەی پەلاماری ئاسمانی عەرەبستان بۆ سەر یەمەن
فڕۆکە شەڕکەرەکانی دەسدرێژکاری سەعوودی ڕۆژی دووشەمە شارۆچکەی ئەلمەسلوب لە پارێزگای جووف لە باکوور ی یەمەنیان بوردمان کرد .
بە گوێرەی ڕاپۆڕتی هەواڵدەریی ڕادیو تەلەفیزیونی ئێران و بە گێڕانەوە لە ئەلمەسیرە ، فڕۆکە شەڕ کەرەکانی دەسدرێژکاری سەعوودی هەروەها سێ جار پەلاماریان کردە سەر شارۆچکەی سەرواح لە پارێزگای مەئارب لە ناوەندی یەمەن . ناوچەی ئەلڕەقە لە شارۆچکەی حەیدان لە پارێزگای سەعدە لە باکووری یەمەنیش کەوتە بەر پەلاماری مووشەکیی سەربازانی سەعوودی . فڕۆکە شەڕکەرەکانی عەرەبستان 12 جار پەلاماریان کردە سەر شارەکانی " سەبر ئەلموادم ؛ مەسراخ ، سەلو ؛ تەعزیە لە پارێزگای تەعەز لە باشووری یەمەن . لە لایەکی دیکەوە تڕوموبیلێکی بەکرێگیراوانی سەعوودی لە بەرەی ناتع لە پارێزگای بەیزا " کەوتە بەر پەلاماری توپخانەی یەمەنیەکان و لەناو چوو . یەکەی تۆپخانەی هێزەکانی ئەرتەش و لێژنە جەماوەریەکانی یەمەن ، کۆبوونەوەی سەربازانی سەعوودی و کەرەستەکانی ئەوانیان لە ناوچەی شامخ لە جیزان دایە بەر پەلامار . هێزە یەمەنیەکان هەروەها بەکرێگیراوانی سەر بە ئالی سەعوود لە سارای ئەلیتمە لە پارێزگای جوفیان کردە ئامانجی گولە هاون .لە هەمان حاڵدا هەوڵی بێ ئاکامی هێزەکانی بەکرێگیراوی سەعوودی بۆ بەرەو پێشچوون بەرەو ناوچەی حویمی لە کورش ، پارێزگای لەحەج لە باشووری یەمەن بوە هۆی کوشتن و بریندار بوونی ژومارێک لە بەکرێگیراوان .
