ڕەخنەی تووندی مەحموود عەباس لە بەریتانیا و ئەمریکا لە دانیشتنی ئەنجوومەنی ئاسایشی ڕیکخراوی نەتەوەکان دا
" مەحموود عەباس" سەرۆکی دەزگەی خۆبەڕێوە بەری فەلەستین ڕۆژی سێ شەممە لە دانیشتنی ئەنجوومەنی ئاسایشی ڕێکخراوی نەتەوەکان لە بارەی فەلەستین بە ڕاگەیاندنی ئەم بابەتە کە هیچکات نەیاری وتووێژ نەبووە وتی، بەریتانیا بە بەیاننامەی بالفور بەر پرسی هەموو دەرد و مەینەتی گەلی فەلەستین و داگیرکرانیی فەلەستینە.
بەیاننامەی بالفور لە دووهەمی نۆڤەمبەری ساڵی ١٩١٧ بوار بۆ بەدی هێنانی ڕژیمی ساختەی زایۆنیستی لە سێبەری پشتگرییەکانی دەوڵەتی بەریتانیا لە سەرزەوینی گەلی فەلەستین خۆشکردووە .
بە گوێرەی ڕاپۆرتی ئیرنا، " مەحموود عەباس" بە ئاماژە بە هەڵوێستە دژ بە یەکەکانیی ئەمریکا لە بارەی فەلەستین بەڕاشکاوی وتی، دیار نییە دەوڵەتی ئەمریکا لاگری ڕێگا چارەی یەک وڵاتە یان ڕیگا چارەی دوو وڵات؛ هەر لەم حالە دا لە بڕیارێک دا کە سەر جەم دونیا مەحکوومی کردبوو ، کۆشکی سپی قۆدسی وەکوو پێتەختی ئیسرائیل ناساند.
سەرۆکی دەزگەی خۆبەڕێوە بەری فەلەستین درێژەی دا ، لە ساڵی ١٩٨٧ دەیان ڕێککەوتننامە، دیدار و دانووستان لە نێوان نوێنەرانی فەلەستین و بەرپرسە ئەمریکاییەکان لە ئارا دابووە بەڵام هێشتا کۆنگرەی ئەمریکا ، فەلەستینییەکان بە ترۆریست دادەنێ. ئەو ڕوو لە کاربەدەستە ئەمریکاییەکان وتی، ئەگەر فەلەستینییەکان ترۆریستن، لەو هەموو ساڵە چۆن لەگەڵ ئەوان دا دیدارتان کردووە ؟
ئەو وتیشی، فەلەستینیەکان ٦٠ ساڵە ئاوارەبوونە و سەرەڕای هەموو بڕیارنامەکان کە حەق بە فەلەستینیەکان ئەدات وڵاتی خۆیان هەبێت لە نیشتمانی خۆیان ، هەروا فەلەستینیەکان بێ ماڵ و حالن .
سەرۆکی دەزگەی خۆبەڕێوە بەری فەلەستین لە کۆتایی وتەکانی دا لە ئەنجوومەنی ئاسایش لە ئەندامانی ئەم ئەنجوومەنە داوایکرد وڵاتی فەلەستین بە فەرمی بناسێت و فەلەستین وەکوو وڵاتێکی سەربەخۆ و ئەندامی فەرمی ڕێکخراوی نەتەوەکان قەبووڵبکرێت ."مەحموود عەباس" جەختیکرد کاتێک کە ئیسرائیل سەرزەویەنکانی فەلەستینی داگیر کرد ، کەس ئەوانی بە بەرپرس نەزانیوە .
ئەنجوومەنی ئاسایشی ڕێکخراوی نەتەوەکان رۆژی سێ شەممە بە ئامادەبوونی مەحموود عەباس سەرۆکی پێکهاتەی خۆبەڕێوە بەری فەلەستین بە پرسی لێکدانەوەی داهاتووی ئاشتی لە ڕۆژهەڵاتی ناڤین کۆبوونەوەی پێکهێنا.
