سەرۆکی پەرلەمانی لوبنان: بەرلە لێکدانەوەی چەکی خۆڕاگری، ڕژێمی زایۆنی دەبێ لە خاکی لوبنان بڕواتە دەر
سەرۆکی پەرلەمانی لوبنان وتی چەکداماڵینی حیزبوڵڵا بەر لە پاشەکشەی ڕژێمی زایۆنی لە خاکی لوبنان بێزارکەرەو وڕژێمی داگیرکەری زایۆنی دەبێ چوونە دەری خۆی دەستپێبکات.
نەبیی بێرری ، سەرۆکی پەرلەمانی لوبنان لە کاردانەوە بە داواکاری نێردەی ئەمریکا لەمەڕ چەکداماڵینی حیزبوڵڵا وتی کە ئەوان دەیانهەوێ لەگەڵ ئێمە جۆرێک بجوڵێنەوە کە گوایە شکستمان هێناوە. سەرۆکی پەرلەمانی لوبنان وتی: ڕژێمی داگیرکەری زایۆنی دەبێ چوونە دەری لە لوبنان دەستپێبکات، پاشان ئێمە لە بارەی چارەنووسیی چەکەکان لەگەڵ حیزبوڵڵا وەکوو مژارێکی ناوخۆیی وبەدوور لە هەرجۆرە زەخت وگوشارێک وتووێژ ئەکەین .
هاوکات مەحمود قەماتی ئەندامی ئەنجومەنی سیاسی حیزبوڵڵا وتی: تەنانەت فیشەکەیکیش لەژێر توندترین زەخت وگوشارەکان ڕادەست ناکەین.
ناوبراو وتی هەموو یەکدەنگن لەسەرئەوەی ڕادەست کرانی چەکی خۆڕاگری خەیانەت بە لوبنان ، نیشتمان، سەروەری وسەربەخۆیی وڵاتە وهەڵوێست گرتنی نیشتمانی هیچکات لەژێرتوندترین زەخت وگوشارەکانی نێودەوڵەتی وناوچەیی ناگۆڕدرێت.
"تەرادعەمادە" وەزیری پێشووی کاروکشتووکاڵی لوبنان یش وتی حکومەتی ئەم وڵاتە لەبارەی مژاری چەکداماڵینی خۆڕاگری ئاوەزمەندانە بجوڵێتەوە ولەو بڕیارانەی کە بەهۆی زەخت و گوشارەوە گیراون ، بکشێتەوە. ناوبراو وتی: خۆڕاگری لەئەنجامی ڕاستییە سیاسییەکانی لوبنان بەدیهاتووە.
شێخ نەعیم قاسم ئەمینداری گشتیی حیزبوڵڵای لوبنانیش ئەم دواییانە لە ناڕەزایەتی دەربڕین بە گەڵاڵەی حکومەتی ئەم وڵاتە بۆ چەکداماڵینی خۆڕاگری وتی حکومەتی لوبنان خەرێکی خزمەت کردن بە ڕژێمی زایۆنیە . ئەمە لەحاڵێکدایە کە ئەرکی حکومەت دروستکردنی وڵاتە نەک سپاردنی بە دوژمن .هاوکات ڕۆژنامەی لوبنانیی " ئەلئەخبار" گەڵاڵەی تازەی ئەمریکا دژی حیزبوڵڵای لوبنان بۆ گەماروی ئاسایشی وئابووریی ناوچەی "زاحیە" لەباشووری بەیروتی ئاشکراکردو نووسیی: بەڵگە وئاماژەکان پیشان ئەدەن کە لوبنان بە گشتیی بووە بە کۆلۆنیایەکی ئەمریکایی- ڕۆژئاوایی چۆنکە زۆربەی ڕێکخراوە فەرمیی وئاسایشییەکانی، فەرمانی ڕۆژاواییەکان بەمەبەستی بەئاکام گەیاندنی پڕۆژەی بنبڕکردنی خۆڕاگری جێبەجێ دەکەن.
