هێزە چەکدارەکانی یەمەن هێرشیان کردە سەر ژمارەیەک پاپۆڕی ئەمریکایی لە باکووری دەریای سوور و لەگەڵیان تێکهەڵچوون.

یەحیا سەریع، وتەبێژی هێزە چەکدارەکانی یەمەن ڕایگەیاند کە شەڕ و پێکدادان بۆ ماوەی چەند کاتژمێرێک بەردەوام بووە و لە ڕێگای ژمارێک مووشەکی کرووز و بالیستیک و فڕۆکەی بێفڕۆکەوان ئەنجامدراوە؛ ناوبراو وتیشی: هێزی دەریایی یەمەن بە مووشەکێکی بالیستک کەشتییەکی دابینکەری لۆجستیکی تایبەت بە پاپۆڕی هەری ترۆمەنی پێکاوە. 

وتەبێژی هێزە چەکدارەکانی یەمەن جەختیشی کرد کە هەتا ئەو کاتەی کۆتایی نەهێندرێ بە پەلاماردرانی غەززە و گەمارۆی سەر ئەم کەرتە هەڵنەگیردرێ، هەڵمەتەکانی ئێمەیش کۆتایی نایەت.