نیچروان بارزانی سەرۆک وەزیرانی هەرێمی کوردستان ئێراق لە وتوویژ لەگەڵ هەواڵنیڕان لە سەر پێویستی گەڕانەوەی ئەندامانی کوردی پەرلەمانی ئێراق بۆ بەغدا جەختیکرد .

بارزانی بە ئاماژە بە گرینگایەتی گەڕانەوەی ئەندامانی کوردی پەرلەمانی ئێراق گوتیشی : بەشداری کوردەکان لە پرۆسەی سیاسی ئێراق پێویستە .

ئەو لە درێژە دا ووتی : فراکسیۆنە کوردەکانی پەرلەمانی ئێراق دەبێ رۆڵێکی چالاکیان هەبێ لەمەڕ بردنە پیشەوەی پرۆسەی سیاسی ئێراق دا .

بارزانی جەختیکرد : فراکسیۆنەکانی کوردستانی ئێراق لە ڕابردوویش لە تەنیشت فراکسیۆنەکانی دیکەی ئێراقی ، بەشداری کردن لە بڕیارەکان و وتوویژەکانی پەرلەمانی ئێراقیان بە پێویست زانیوە .

دوا بەدوای داگیر کرانی پەرلەمانی ئێراق لە لایەن خۆپیشاندەران لە بەرواری ٣٠ ئاپریلی ڕابردوو ، ئەندامانی کوردی پەرلەمانی ئێراق بەغدایان جێ هێشت و گەڕانەوە بۆ هەرێمی کوردستان .

حەوتەی ڕابردوو سەلیم جەبووری سەرۆکی پەرلەمانی ئێراق لە سەفەرێکدا بۆ سلێمانی لەگەڵ بەرپرسانی پارتە کوردەکان لەم بارەوە دیدار و وتوویژی کرد بوو .

بە گوێرەی دەنگ و باسە بڵاوکراوەکان لە رۆژی ڕابردوو دا شاندێک لە ئەندامانی حیزبودەعوە و شاندی دەوڵەتی بەغدا چوونەتە سلێمانی و لەگەڵ سەرانی پارتە کوردەکان لە وان یەکیەتی نیشتمانی و بزوتنەوەی گۆڕان دیدار و وتوویژیان کرد .