کونسوڵی نوێی فەرەنسا لە هەرێمی کوردستانی ئیراق رایدەگەیەنێت، کە وڵاتەکەی لە ناردنی چە کامێر ی سەربازی بۆ هێزەکانی پێشمەرگەی کوردستان بەردەوام دەبێت.

بەپێی راگەیەندراوێکی سەرۆکایەتیی هەرێمی کوردستان، ئه مرو سێشەممەٰ مەسعود بارزانی، سەرۆکی ھەرێمی کوردستان پێشوازی لە دۆمینیک ماس، کونسوڵی نوێی فەرەنسا لە ھەولێر کرد.

دۆمینیک ماس رایگەیاندووە، کە ”شەرەفێکی گەورەیە“ بۆ ئەو، کە لە هەرێمی کوردستان وەک کونسوڵی وڵاتەکەی کار دەکات و باسی ”پەیوەندییە مێژووییەکان“ی فەرەنسا و گەلی کوردستانی کردووە.

کونسوڵی نوێی فەرەنسا بەڵێنی دووپات کردووەتەوە، بەوەی وڵاتەکەی لەناردنی هاوکارییە سەربازییەکان بۆ هێزەکانی پێشمەرگە بەردەوام دەبێت، وێڕای ئەوەی لە قۆناغی دوای شەڕی رێکخراوی توندڕەوی داعشیش، فەرەنسا یارمەتیدەری هەرێمی کوردستان دەبێت.

بەپێی راگەیەندراوەکە، مەسعود بارزانی جەختی لەوە کردووەتەوە، کە پەیوەندیی گەلی کوردستان و فەرەنسا ”قووڵ و مێژووییە“ و لە هەوڵەکانیش بۆ پەرەپێدانی ئەو پەیوەندییانە، ”ھیچ ئاستێک بوونی نییە“.