هەرێمی کوردستانی عێراق دوای هاوکاری دژە ترۆریستیی لە روسیا دەکات
بەرپرسی پەیوەندیە دەرەوەییەکانی حکومەتی هەرێمی کوردستانی عێراق داوای کرد روسیا لە شەڕی دژی ترۆریسم لە بواری تەکنیکی و بەرگری هاوکاریی هەرێم بکات .
بەپێی راپۆرتی ئیرنا ، فەلاح مستەفا دوای دیداری لە گەڵ میخاییل بۆگدانۆڤ نوێنەری سەرۆکی روسیا بو کاروباری روژهەڵاتی ناڤین و یاریدەری وەزیری دەرەوەی ئەم وڵاتە لە مسکۆ گوتی : داوای وەرگرتنی یارمەتیەکانی
هاوپەیوەند بە ترۆریسم و هەروەها یارمەتی مرۆیی دراوە بە مسکۆ .
رۆژنامەی ئیزۆزستیا رۆژی دوشەممە بە گێڕانەوە لەم کاربەدەستە کوردە نووسی : داوای وەرگرتنی هاوکاری دژە ترۆریستیی لە مسکۆ بە لەبەرچاوگرتنی گرنگایەتی بەرەنگاربوونەوەی ترۆریسم گرنگە .
فەلاح مستەفا هەروەها جەختی کردەوە : بەرەنگاربوونەوەی ترۆریسم پێویستی بە هاوکاری کومەڵگەی جیهانیی و هاوپەیمانانی ئێمە هەیە و روسیاش لە نێو ئەوان دایە کە پێویستە پشتیوانیی هەمە لایەنەی دژە ترۆریستیی ئەنجام بدەن .
ئەو لە کۆتاییدا گوتیشی : لە دانوستانەکاندا ، لایەنی رووسی ئاماژەی کردە داکۆکی لە خەباتی پێشمەرگە لە شەڕی دژی ترۆریستان و رایگەیاند داوای هاوکاریی دژی ترۆریستیی تاووتوێ دەکات و هەوڵ ئەدات لەم بارەوە هەنگاوێک هەڵگیردرێ .
