نێچیرڤان بارزانی سەرۆکی هەرێمی کوردستان رەخنەی لەبوونی هێزەکانی پەکەکە لەهەرێمی کوردستان گرتو رایگەیاند، هیچ شەرعییەتێکیان نییە لەهەرێمی کوردستان.

بە پێی راپۆرتی شارپرێس ، لەمیانی کۆنگرەیەکی رۆژنامەوانی دا ئەمڕۆ دووشەممە راشیگەیاند، پەکەکە سەروەریی عێراق ‌و هەرێمی کوردستانی پێشێل کردووەو هیچ شەرعییەتێکیان نییە لەناوچەکەدا.

سەرۆکی هەرێم ئەوەشی راگەیاند، رووبەری کاری پەکەکە تورکیایە و دەبێت لەگەڵ ئەو وڵاتە کێشەکانی یەکلابکاتەوە، نەک هەرێمی کوردستان.

باسی لەوەش کرد، کە پەکەکە مافی ئەوەی نییە هەڕەشە لەهەرێم بکات‌و باشترین کاریش بۆ هەرێمی کوردستان بیکات، دەبێت لەو ناوچانە بکشێتەوە.