بەرپرسی لیژنەی بەرگریکارانەی دومای ڕووسیا ڕایگەیاند : مەترسی پەلاماری مووشەکیی ئەمریکا بۆسەر دامەزراوە گرینگەکانی سووریا بەئامانجی ڕووخاندنی دەوڵەتی ئەو وڵاتە تا هەنووکە چارەسەر نەکراوە.

بەپێی ڕاپۆرتی  ڕۆژی چوارشەممەی هەواڵدەری سپۆتنیک ، ولادیمیر شانۆڤ  سەرۆکی لیژنەی بەرگرییانەی دومای ڕووسیا وتی  : سەرباری   پێوەندی تەلەفۆنی  دوناڵد ترەمپ لەگەڵ ولادیمیر  پوتین،  ئەگەری پەلاماری مووشەکیی ئەمریکا بۆسەر دامەزراوەکانی  گرینگ و بیناکانی ئیداری سوریا هەروا  ، پاوەجێیە.

سەرۆکی لیژنەی بەرگریکارانەی دومای ڕوسیا پێداگری کرد  سەبارەت بە هەڵس و کەوتی ئەمریکا ، تێگەیشتنێکی ڕوون و ئاشکرا لە ئارادانییە و نابێ لەم مەترسییەش چاوپۆشی بکەین.

ژنەراڵ سێرگێئی  ردسکۆی سەرۆکی ئیدارەی ئۆپراسیۆنی  ئەرکانی گشتیی هێزە چەکدارەکانی ڕووسیاش   وتی : وەزارەتی بەرگری  ئەمریکا پنتاگۆن کەرەستە و گەمی جەنگی تەیار  بە مووشەکی کرووز بۆ کەنداوی فارس،  دەریای مەدیتەرانە و دەریای سوور ، ناردووە.

ئەمریکا  مارسی ساڵی ڕابردووش بە بیانووی پەلاماری شیمیایی لە ناوچەی خان شێخونی ئەدلیب، دەیان مووشەکی دوور هاوێژیان  لە دەریای مەدیتەرانە بەرەو بنکەی ئاسمانی  شەعیرات سوریا ، هاوێشت.