تورکیا زەیتوونی عەفرین بە ئەمریکا و ئەوروپا دەفرۆشێ
کانونی یه‌که‌م 06, 2020 17:30 Asia/Tehran
تورکیا 90 ھەزار تەن زەیتوون و رۆنی زەیتوونی عەفرینی بۆ ئەمریکا و ئەوروپا ناردووە .
بە پێی راپۆرتی کوردپرێس ، بە گوێرەی زانیاریە وەدەسھاتووەکان لە سەرچاوە خۆجێییەکان ، تورکیا کە دوای داگیرکردنی عەفرین بە شێوەیەکی بەرفراوان دەستی کردووە بە چنینەوەی زەیتوون و رەنێوھێنانی رۆنی زەیتوون لە عەفرین ، 90 ھەزار تەن زەیتوون و رۆنی زەیتوونی بۆ ئەمریکا و ئەوروپا ناردووە .
بە پێی راپۆرتی ھەواڵدەریی ھاوازنیوز ، ھێزەکانی بەناو ئەرتەشی ئازادی سوریا لە کارگەی عەبدین عەربۆ کە دوای داگیرکردنی ناوچەی جیندریس لە ئاوایی حەمیلکە ، دەستیان بەسەرداگرتووە ، دەستیان داوەتە رەنێوھێنانی رۆنی زەیتوون و دوای گواستنەوەی بۆ تورکیا ، ھەناردە دەکرێ بۆ بازاڕە ئەمریکی و ئەوروپیەکان .
