٢٨ کەس لە ھێرشێکی داعش بۆ سەر ترۆمبیلێک لە سووریادا کوژران
کانونی یه‌که‌م 30, 2020 23:47 Asia/Tehran
میدیاکانی سووریا باسی کوژران و بریندار بوونی دەیان کەس لە شارومەندانی ئەم وڵاتەیان کردووە لە ھێرشێکی تیرۆریستی دا.
بە پێی ڕاپۆرتی ھەواڵدەزریی فەرمیی سووریا «سانا» ئێوارەی ڕۆژی چوارشەممە ترۆمبیلێک لە جاددەی نێوان «دێرۆزوور» بۆ « تەدمۆر» لە گردوپەڕی ناوچەی «کەباجەت» لە ناوەڕاستی سووریا کەوتە بۆسەی تیرۆریستانی داعشەوە کە لە ئەنجام دا لانیکەم ٢٨ شارومەندی سووری کوژران و ھەشت کەسی دیکەش بریندار بوون.
وێنە بڵاو کراوەکان لەو ڕووداوە دەربڕی ئەوەن کە ترۆمبیلەکە بە تەواوی سوتێندراوە.
ھێشتا لە بارەی ئەم ڕووداوەوە وردیاتێکی زیاتر بڵاو نەبووەتەوە.
