جەختی «بەشار جەعفەری» لە سەر پەیوەندییە واوەستراتژییەکانی تاران و دیمەشق
یاریدەری وەزیری کاروباری دەرەوەی سووریا پەیوەندییەکانی نێوان تاران و دیمەشقی بە واوەستراتژی زانی و پێی داگرت: ئەم پەیوەندییانە وا دەردەخەن کە ڕوانگەکانی کاربەدڕەستانی دوو وڵات سەبارەت بە دۆسیەکانی ناوچەکە پێکەوە ھاوتەریبن.
بە پێی ڕاپۆرتی ڕۆژی دووشەممەی ھەواڵدەریی تەسنیم،«بەشار جەعفەری» یاریدەری وەزیری کاروباری دەرەوەی سووریا ڕایگەیاند: لە شەڕی دژی سووریا زۆرێک لەوڵاتان و گەلانی جیھان ھاوڕێمان بوون بەتایبەت پەیوەندییە ستراتژییەکانی سووریاو ئێران سیاسەتی ناوچەکەی گۆڕی.
«جەعفەری» لەبارەی ھەڵبژاردنەکانی سووریاشەوە وتی:ئەمریکاو ھاوپەیمانە ئەورووپییەکانی ھەروا لە سەر ھەڵوێستی تێکدەرانەو ناوپاوەجێ کردنی دیموکراسی لە ھەڵبژاردنەکاندا بە مەبەستی ئاژاوەنانەوە و پێشگرتن بە بەرپاکرانی ھەڵبژاردن لەم وڵاتە بەردەوامن. بەڵام دیارە ئەمە ھیچ کاریگەرییەکی لە سەر بڕیاری دەوڵەتی سووریا بۆ بەرپاکردنی ئەم ھەڵبژاردنە لە بەروارەی دیاری کراوی خۆی دا دانانێت و ھیچ وڵاتێکیش بۆی نییە خۆی لەم بابەتەدا ھەڵقورتێنێ.
ھەڵبژاردنی سەرۆک کۆمارەتیی سووریا بڕیارە ٢٦ی مانگی مای لەم وڵاتەدا بەڕێوە بچێت.
