١٢ کوژراوو بریندار دوابەدوای ڕوودانی ئاگرکەوتنەوە لە شارۆچکەی پیشەسازیی «حەڵەب»ی سووریا
ته‌مووز 30, 2021 11:48 Asia/Tehran
لە ئەنجامی ئاگرکەوتنەوە لە کارگەیەکی ڕەنگ چێکردن لە «حەڵەب» ١٢ کەس کوژران و بریندار بوون.
بە پێی ڕاپۆرتی ھەواڵدەریی فەرمیی سووریا«سانا»، ئەم ئاگرکەوتنەوەیە لە کارگەیەکی ڕەنگ چێکردن لە ناوچەی پیشەسازیی «شێخ نەججاڕ» لە شاری«حەڵەب» لە باکووری سووریا ڕووی داو لە ئەنجام دا ٥ کوژراوو ٧ برینداری لێ کەوتەوە.
بە پێی ئەم ڕاپۆرتە، ھەڵمەتی کوژاندنەوەی ئاگرەکە لەم کارگەیەدا ھەروا بەردەوامە.
بە پێی ڕاپۆرتە سەربازیەکانی سوپای سووریاو ڕووسیا، تیرۆریستانی تەکفیری لە ناوچەکانی گردوپەڕی حەڵەب لە جم و جوڵ دان و ھەگەری ئەوەی کە لە ئاگرکەوتنەوەکە ی ئەم کارگە گرینگەدا ڕۆڵیان ھەبوو بێت زۆرە.
تیرۆریستان بەرلەمەش وەھا کارگەلێکیان لە شاری «حەڵەب»دا ئەنجام داوە.
