ھێرشی بە خۆفڕی تورکیا بۆسەر کۆبانی دوو کوژراو و 7 برینداری لێکەوتەوە
کانونی یه‌که‌م 26, 2021 08:31 Asia/Tehran
سەرچاوەکانی کوردی سوریا بڵاویانکردەوە :لە هێرشی ئێوارەی دوێنێی تورکیادا بۆ سەر شاری کۆبانی، دوو کەس کوژران و حەوت کەسیش برینداربوون.
بە پێی ھەواڵەکە ، دوێنێ لە کاتژمێر چواری دوای نیوەڕۆ، دەوڵەتی تورکیا بە فڕۆکەیەکی بێفڕۆکەوان لە رۆژهەڵاتی شاری کۆبانێ، خانوویەکی بۆردومان کرد.
وەک لە ڕاگەیەندراوەکەدا هاتووە، لەو هێرشەکەدا دوو هاوڵاتی کوژران و حەوت هاوڵاتیش برینداربوون و بریندارەکانیش گەیەندراون بۆ نەخۆشخانەکانی شارەکە.
ئەنجومەنی جێبەجێکاری هەرێمی فورات لەمبارەوە رایگەیاند ، ئەم هێرشانەی تورکیا لە چوارچێوەی زنجیرەیەک هێرشدایە لەلایەن تورکیا و چەتەکانییەوە ئەنجام دەدرێن و لە بێدەنگیی دەوڵەتانی گەرەنتیدەری ئاگربەست دا ئەنجام دەدرێن.
