تورکیا تۆپبارانی کۆبانی و گرێ سپی کرد و 12 قوربانی لێکەوتەوە
کانونی دوھەم 08, 2022 19:48 Asia/Tehran
سوپای تورکیا هێرشی کردەوە سەر ناوچه کوردیەکانی سوریا و 12 کەس بوونە قوربانی و منداڵێکی ٤ ساڵیش بریندارە و هێرشەکان بۆ سەر هەرێمەکە بەردەوامە.
ئێوارەی ئەمڕۆ شەممە سوپای تورکیا هێرشی کردە سەر کۆبانی و گرێ سپی و گوندەکانی قەرەمۆخ، خانێ، تەل حاجیب، سەرزۆری و گەلتەپەی نێوان کۆبانێ و گرێ سپی تۆپباران کرد.
میدیاکانی کوردی سوریا بڵاویانکردوە، کە لە ئەنجامی تۆپبارانەکەی سوپای تورکیا هاووڵاتیەک بە ناوی ئیبراهیم شەریف خەڵکی گوندی خانێ شەهید بووە و ١١ کەسیش بریندار بوون، بریندارەکان بۆ نەخۆشخانەی کۆبانێ گواسترانەوە.
باس لەوەشدەکرێت ، بەهۆی هێرشەکەوە منداڵێکی ٤ ساڵیش بریندار بووە و هێرشەکان بۆ سەر هەرێمەکە بەردەوامە.
