میدیا عێراقیەکان باسی بۆردومانی بەندیخانەی غوێرانی پارێزگەی حەسەکە لە رۆژھەڵاتی سوریا دەکەن لە لایەن ھاوپەیمانیی نێودەوڵەتیەوە بە فەرماندەیی ئەمریکا . .

کەناڵی تەلەگرامیی سابرین نیوز سەر بە ھێزەکانی موقاوەمەی عێراق رایگەیاند ، فڕۆکە جەنگیەکانی ھاوپەیمانیی ئەمریکی سەر لەبەیانیی یەکشەممە سێ جار بەندیخانەی غوێرانی پارێزگەی حەسەکەیان بۆردومانکرد . 

ئەم زیندانە سەر لە بەیانیی رۆژی شەممە لە لایەن داعشەوە ھێرشی کرابۆ سەر . 

بەندیخانەی غوێران رۆژی شەممە گۆڕەپانی تێکھەڵچوونی داعشیەکان و ھێزەکانی ھەسەدە بوو کە لە ئەنجام دا 45 داعشی کوژران و 14 کەسیش لە ھێزەکانی ھەسەدە کوژران . 

ئەوە دوھەمین جارە لە دوو مانگی رابردوودا  داعش پەلامار دەکاتە سەر ئەم بەندیخانەیە . 

نزیک بە 5 ھەزار داعشی لە 54 وڵاتەوە لە زیندانی ناوەندیی غوێران ( سەناعە) گیراون و وڵاتەکانیان حازر نین وەریانگرنەوە .