چەند تەقینەوەیەکی قورس لە گردوپەڕی مەیدانی نەوتیی «ئەلعەمەر»ی سووریا لە شوێنی مۆڵ درانی ھێزەکانی ئەمریکی ڕووی دا
شوبات 09, 2022 11:50 Asia/Tehran
سەرچاوە عەرەبییەکان بەیانیی ڕۆژی چوارشەممە ڕایانگەیاند: زرمەی چەندین تەقینەوە لە نزیکی مەیدانی نەوتیی «ئەلعەمەر» لە دێرۆزووری سووریا شوێنی مۆڵ درانی ھێزەکانی ئەمریکی لە سنووری عێراق و سووریا بیستراوە.
بە پێی ڕاپۆرتی ئیرنا بەگێڕانەوە لە کەناڵی تەلگرامیی «سابرین نیوز»ی سەربە ھێزەکانی خۆڕاگری ھێشتا بکەرانی تەقاندنەوەکە ئاشکرا نەبوونە.
بە شکست ھێنانی تاقمی تیرۆریستی داعش وەکو باڵی سەربازیی ئەمریکا لە سووریا لە سەرماوەزی ١٣٩٦ی کۆچیی ھەتاوی ھێزەکانی ئەمریکی ڕاستەوخۆ جێگای ئەم تاقمە تیرۆریستییەیان گرتەوەو ڕێک ھەر لەو کاتەشەوە لە باتی داعش دەستیان کردووە بە ھەڵێنجاندن و دزینی نەوتی سووریاو بەردەوام کردنی قەڵاچۆی خەڵکی ئەم وڵاتە.
