«بەشار جەعفەری» بوو بە باڵوێزی سووریا لە ڕووسیا
تشرینی یه‌که‌م 06, 2022 08:41 Asia/Tehran
«بەشار جەعفەری»، جێگری وەزیری دەرەوەی سووریا، ڕۆژی چوارشەممە وەک باڵوێزی ئەو وڵاتە لە ڕووسیا دەستنیشان کرا.
بەپێی ئاژانسی هەواڵدەریی ئێران پرێس، «بەشار جەعفەری» پێش ئەوەی بەرەو ئەرکە نوێیەکەی بەڕێبکەوێت لەگەڵ «بەشار ئەسەد» سەرۆک کۆماری سووریا کۆبووەوە.
لەم دیدارەدا «جەعفەری» وەک باڵوێزی کۆماری عەرەبیی سووریا لە ڕووسیا سوێندی یاسایی خوارد.
هەروەها «فەیسەڵ میقداد» وەزیری دەرەوەی سووریاش ئامادەی ئاھەنگی سوێندخواردنەکەی «بەشار جەعفەری» بوو.
