چوار سەربازی تورکیا لە باکووری سووریا بریندار بوون
وەزیری بەرگریی تورکیا ڕایگەیاند کە لە هێرشی موشەک و تۆپخانەی چەکدارانی یەکینەکانی پاراستنی گەل (یەپەگە) لە باکووری سوریا، چوار سەربازی ئەم وڵاتە بریندار بوون.
بە پێی ڕاپۆرتی ئیرنا، ئەم وەزارەتخانەیە ڕۆژی یەکشەممە ڕایگەیاند: سەربازە بریندارەکانی تورکیا گواستراونەتەوە بۆ نەخۆشخانە.
وەزارەتی بەرگریی تورکیا ڕایگەیاند کە ئەم هێرشە بە توندی وەڵام دەدەنەوە.
دەوڵەتی تورکیا کە پارتی کرێکارانی کوردستان (پەکەکە) و یەکینەکانی پاراستنی گەل (یەپەگە)ی لە لیستی گرووپە تیرۆریستییەکان دا داناوە، بە بیانووی شەڕی ئەو گرووپانە زیاتر لە دوو ساڵە، هێرشی نایاسایی بۆ سەر باکووری عێراق و باکووری سوریا ئەنجام دەدات.
ئەم هێرشە نایاساییانە لە کاتێکدا بەردەوامن کە بەغدا و دیمەشق گەلێک جار ئەو هێرشانەیان شەرمەزار کردووە و بە پێشێلکردنی سەروەری و یەکپارچەیی خاکی عێراق و سوریایان زانیوە.
