بە خۆفڕ و مووشەک هێرش کرایەسەر دوو بنکەی سەربازیی گرینگی ئەمریکا لە سوریا
سەرچاوە میدیاییەکان، هەواڵی پەلاماری خۆفڕیی بۆسەر پێگەی "ئەلتەنف"ی ئەمریکا و مووشەکبارانی پێگەی داگیرکەرانی ئەمریکی لە مەیدانی گازیی"کۆنیکۆ" لە سوریایان ڕاگەیاند.
ماڵپەڕی هەواڵیی کەناڵی ئەلمەیادین لە ڕاپۆرێکدا نووسی کە پێگەی ئەمریکیی ئەلتەنف بە سێ درۆن کراوەتە ئامانج بەڵام هێشتا لەبارەی ڕێژەی خەسار و زیانەکان هیچ زانیاریەک بڵاو نەبووەتەوە.
پێگەی ئەلتەنف، گرینگترین پێگەی سەربازانی ئەمریکی لە باشوری رۆژهەڵاتی سوریا دێتەئەژمار کە لە سێ گۆشەی سنوریی سوریا، عێراق و ئۆردۆن هەڵکەوتووە. خاڵی جێی سەرنج ئەوەیە کە بنکەی تاقمی ترۆریستیی "مغاویر ئەلسەوڕە"ش لەنێو ئەو پێگەداو لە تەنیشت هێزە ئەمریکییەکان هەڵکەوتووە.
لە لایەکی دیکەوە، کاناڵی تێلێگرامیی "سابرین" جگە لە بڵاوکردنەوەی هەواڵی هێرشی درۆنیی سەر ئەلتەنف ، هەواڵی مووشەکبارانی پێگەی داگیرکەرانی ئەمریکی لە مەیدانی گازیی "کۆنیکۆ"هەڵکەوتوو لە ڕۆژهەڵاتی سوریاو پارێزگای دێرەزووریشی ڕاگەیاند و نووسی کە سەرچاوە ئاگادارەکان باسی بیسترانی دەنگی چەند تەقینەوەیان کردووە لەو پێگەدا بەڵام هێشتا هیچ لایەنێک بەرپرسایەتی ئەو هێرشانەی نەگرتووەتە ئەستۆ.
گەی گازیی کۆنیکۆ لە گردووپەڕی دێرەزوو هەڵکەوتوو لە ڕۆژهەڵاتی سوریایەو لە کۆنترۆڵی هێزە داگیرکەرە ئەمریکییەکان دایە.
