دەسدرێژیی ڕژێمی زایۆنی بۆ سەر دیمەشق
سوپای سوریا بە هەواڵدەریی سانای راگەیاندووە کە پەلامارەکەی ڕژێمی زایۆنی بۆ سەر دەڤەری دیمەشق، سێ شەهید و نۆ برینداری لێکەوتۆتەوە.
هەواڵدەریی حکومەتیی سوریا ناسراو بە سانا سەرلەبەیانی ئەمڕۆ سێشەممە باسی بیسترانی دەنگی تەقینەوەیەک لە ئاسمانی دیمەشقی کرد و ڕایگەیاند کە سیستەمی بەرگریی ئاسمانی سوپای سوریا خەریکی بەرپەرچدانەوەی پەلامارە ئاسمانییەکانی ڕژێمی زایۆنییە. ژێدەرێکی ئاگادار لە سوپای سوریادا بە هەواڵدەریی سانای وتووە: نزیکەی کاتژمێر ٢ و پێنج خولەکی نیوەشەوی ڕابردوو دوژمنی ئیسراییلی بە فڕۆکەی جەنگی لە ڕێگای جەولانی داگیرکراوەوە، دەستی دایە کوتانی چەن ناوچەیەکی دیمەشق و دەڤەری ئەم شارە.
هەروەها لەم بەیاننامەی سوپای سوریادا هاتووە: سیستەمی بەرگریی وڵاتەکەمان بەرپەرچی هەموو مووشەک و درۆنە دەسدرێژکارەکانی داوەتەوە و زۆربەیانی خستۆتە خوارەوە. شایانی باسە ئەم پەلامارەی ڕژێمی زایۆنی بۆ سەر سوریا بۆتە هۆی کوژرانی سێ کەسی مەدەنی و بریندار بوونی نۆ کەسیش، هەروەها زەبرێکی قورسیش لە دارایی و سامانی گشتی کەوتووە.
