SAHAR

روانگەی سوریا بۆ مافەکانی مرۆڤ بڵاوی کردەوە، 30 بارهەڵگری سەر بە هێزەکانی هاوپەیمانیی نێودەوڵەتی بە یاوەری زرێپۆشی سەربازی، لە بنکەی قەسرەک لە حەسەکەوە بەرەو شاری کۆبانێ بەڕێکەوتن لەگەڵ فڕینی کۆپتەری هێزەکانی هاوپەیمانی نێودەوڵەتی.

هێزەکانی هاوپەیمانی نێودەوڵەتی بەردەوامن لە ناردنی هێزی سەربازی بۆ شاری کۆبانی، لە چوارچێوەی پتەوکردنی بنکە نوێیەکانی ئەمریکا لە ناوچەکە، لە ژێر ڕۆشنایی پەرەسەندنی گرژییە ئەمنی و سەربازییەکان لە ناوچەکەدا.

دوێنێ ڕوانگەی سوری بۆ مافەکانی مرۆڤ چاودێری هاتنی کاروانێکی سەربازی ئەمریکی کرد کە پێکهاتبوو لە 20 بارهەڵگر کە لە هەرێمی کوردستانەوە بۆ ناو خاکی سوریا لە ڕێگەی دەروازەی وەلیدەوە، بەرەو حەسەکە چوون.