سەرلەشکر جەعفەری: ئازادیخوازانی جیهان لەهەوڵی یەکگرتن لەدژی ئەمریکان
فەرماندەرایەتی گشتیی سپای پاسدارانی شۆڕشی ئیسلامی وتی : ستەملێکراوان و ئازادیخوازانی جیهان خەریکی یەکگرتنن لەدژی ئەمریکا.
سەرلەشکر"محەممەد عەلی جەعفەری" فەرماندەری گشتی سپای پاسدارانی شۆڕشی ئیسلامی ئەمڕۆ لەتاران، بەئاماژە بەوەی کە سیاسەتەکانی ئەمریکاو هاوپەیمانانی بووەتە مایەی بشێوی، مەرگ و وێرانی لەناوچەدا، وتی: تاوانە راستەوخۆ و ناڕاستەوخۆکانی ئەمریکاو حکومەتانی لایەنگری سیستەمی زاڵێتی، لە فەلەستین، سوریا، ئێراق و ئێران قەت لە یادی خەڵکی ئەو وڵاتانە ناچنەوە.
سەرلەشکر جەعفەری وتی: خەڵکی شۆڕشگێڕ و ئازادیخوازی یەمەن هەر ڕۆژ شایەتی دووپات بوونەوەی تاوانکارییەکانی ئەمریکاو هاوپەیمانانی و لەخاک و خوێن گەوزاندنی پیاوان، ژنان و منداڵانی بێتاوان و ستەملێکراون.
فەرماندەری گشتیی سپای پاسدارانی شۆڕشی ئیسلامی بەپێداگری لەسەر ئەوەی کە یەک لە فەکتەرە گرینگەکانی کولتوریی هەر ئێرانییەک، باڵادەستی ئاوێتە لەگەڵ دوژمنایەتی کردنی ستەمە، وتی: هەتا کاتێک کە زوڵم و نادادگەریی سیستەمی زاڵێتی خواز بەهیدایەتی سیستەمی ئەمپریالیستی ئەمریکا بەردەوام بێ، سیاسەتی ئێران لەهەمبەر ئەو وڵاتەدا ناگۆڕدرێ.
