دیداری وتووێژکاری باڵای ئەنساروڵڵای یەمەن لەگەڵ جابری ئەنساری
وتەبێژ و وتووێژکاری باڵای بزووتنەوەی ئەنساروڵڵای یەمەن ئەمڕۆ دووشەممە لە تاران چاوی کەوت بە یاریدەری باڵای وەزیری دەرەوەی کۆماری ئیسلامیی ئێران بۆ کاروباری سیاسی.
بەپێی ڕاپۆری هەواڵدەریی ئیرنا؛ "محەممەد عەبدوسەلام" وتەبێژ و وتووێژکاری باڵای بزووتنەوەی ئەنساروڵڵای یەمەن و "حوسێن جابری ئەنساری" یاریدەری باڵای وەزیری دەرەوەی ئێران بۆ کاروباری سیاسی لەو چاوپێکەوتنەدا، دواگۆڕانکارییەکانی وتووێژی ئاشتی یەمەنیان تاووتوێ کردو لەبارەی ڕێگاکانی ئاسانکردنەوەی سەرکەوتنی ئەو دانوستانانەو هەروەها یارمەتیدانی خەڵکی یەمەن بۆ کۆتایی هێنان بەشەڕی دژ بەو وڵاتە، وتووێژیان کرد.
ئێران و چوار وڵاتی ئیتالیا، ئاڵمان، فەڕانسەو ئینگلیز تائیستا دوو خول لە مونیخ و رۆم لەبارەی گۆڕانکارییەکانی یەمەن وتووێژیان کردووە.
رژیمی سەعوودیا بەپاڵپشتی ئەمریکاو لەسای بێ دەنگەی ڕێکخراوی نەتەوەکان لەمارسی٢٠١٥وە دەستی کرد بە دەسدرێژیی سەربازی بۆسەر یەمەن وگەمارۆی زەوینی، دەریایی و ئاسمانیی ئەو وڵاتەی داوە بەبیانووی گەڕاندنەوەی عەبد ڕەببە مەنسور هادی سەرۆک کۆماری لەکارکشاوەی یەمەن بۆسەر دەسەڵات.
شەڕخوازیی عەرەبستان و هاوپەیمانەکانی لە یەمەن تائێستا کوژرانی زیاتر لەچواردە هەزار کەس ، برینداربوونی دەیان هەزار کەس و ئاوارەبوونی بەملوێنان یەمەنی لێکەوتووەتەوە.
