وتەبێژی وەزارەتی تەندروستی بە وتنی ئەوەی کە 3708 نەخۆشی کۆرۆنایی باری تەندروستیان ناجێگیرە ڕایگەیاند کە لە شەو و ڕۆژی ڕابردوودا 1894 تووشبووی نوێی کۆرۆنا ناسراون.

بە پێی ڕاپۆرتی ئاژانسی هەواڵی مێهر، سیما سادات لاری، ڕایگەیاند: لە شەو و ڕۆژی ڕابردوودا 1894 حاڵەتی نوێی کۆرۆنا لە ئێران ناسراوەتەوە کە بەم پێیە تا ئێستا    384 هەزار و  666 کەس تووشی ئەو نەخۆشیە هاتوون.

ناوبراو بە ئاماژە بە 110 حاڵەتی گیان لەدەستدان لە شەو و ڕۆژی ڕابردوو، گوتی :  تا ئێستا   22 هەزار و 154 کەس لە تووشبووان بە کۆرۆنا گیانیان لەدەستداوە.

لاری ژمارەی ڕزگار بووان لە کۆرۆناشی 332 هەزار و   131 کەس ڕاگەیاند.

وتیشی: باری تەندروستی 3708 تووشبووی کۆرۆنا لە وڵات ناجێگرە و لە ژێر چاودێری پزیشکیدان.